Woonmobil-Staalploats Strukelje
Reisemobil-Stellplatz Strücklingen© Gemeinde Saterland Ap dät rauelk-laine Grúundstuk bäte dät Weershuus „Strücklinger Hof", stounde foar't hele Jíer 15 Staalploatse tou Ferföigenge. In Tonk fon sien idylliske Loage in't Gräine juust bie ju Seelter Äi, nit fíer fon dän Bootshoawen, wäd düssen Woonmobil-Staalploats aaltmantou jädden bruukt. Een floorde Ienfíerd lopt oun't Weershuus foarbie, loangs n Tuun mäd Woaterpoul un een Grilhutte un lat dan ap gjucht natüürelken Park-Ploats, die kräkt bit oun't Woater gungt. Two Riegen hoge Bome un buppedät die Tuun skirrmje dän Staalploats ätter ju Sträite wai goud ou. Uk wan't midde in't Täärp lait, is't sinnig.
Foar älke Uurnoachtenge wäide 5 – 7 € birekend. Een Statsjoon foar't Fersúurgjen un foar't Bieklaien fon Oufaale kon juun Bitoalenge bruukt wäide. Dät Bieklaien fon Oufaal is in dän Pries mee oane. Koaie foar ju Stroom-Fersúurgenge un Wäidmunten foar ju Sani-Statsjoon sunt in dän „Strücklinger Hof"tou kriegen.
Beter as mäd ju Fräiegaid fon't Woonmobil lät sik een Raize in Aastfräislound un ju Region uum dät Ferhoalengs-Rebät Bäärsel-Seelterlound nit moakje. Allerwegenze rakt dät Tjúgenzen fon ju loange Kultúurhistoorje, ju in masse Museen foarstoald wäd. Do Sportlere skulen ap een kombiníerde Flitsepee- un Kanu-Kaierskup nit fertichtje. Flitsepee un Kanu konnen bie ju Paddel- un Pedoal-Statsjoon tichte bie dän Staalploats búurged wäide.
Gebäude, Institutionen, sonstige Einrichtungen
- Kallage´s Strücklinger Hof, Hauptstraße 640, 26683 Saterland