Hollener See
Wät bute fon Romelse lait die 9,5 Hektoar grote Hollener See. Sien bisunnere Swíer krigt die fon idylliske Loundskup uumroate Boade-See truch aan Holtbusk tichtebie, wier goud Kaierjen is.
© Gemeinde Saterland
Foar ju Sekerhaid fon do Boadegaste súrget in Sumerdai ju DLRG-Lokoalgruppe Seelterlound. Fon dän 15. Moai bit tou dän 15. September tou, aal snäiwendeges un sundeges, un wilst do Sumer-Ferien degelk, uurníeme DLRG-Líede dän Woak-Tjoonst.
Dät Súundegaids-Amt fon dät Lound Läichsaksen informíert Jou hieruur ju Woater-Qualität fon dän Hollener See..
Dät Sanitär-Bauwíerk is mäd Outrede un Duusken foar Monljude un Wieuwljude juust so as Dusken un aan Outreed foar Bihinnerde uutrusted.
Dän binoaberde Tältploats mäd Gril-Hutte muge masse Jugend-Koppele jädden liede. In ju Fergeenhaid häd dät hier al masse Wänte- un Wuchtere-Tältlegere roat. Man uk oankelde Tältere sunt hatelk wilkemen.
Sport-Bigäisterde konnen sik in dän Kiosk een Beachvolleybaal-Uutrustenge leende. Foar jou lieuwelk Wäil is uk súurged. Die Fäsper-Stound bjudt een Barbecue-Köäkene un häd do foulgjende Dege epend:
middewíeks bit fräindeges fon ättermiddeges uum Klok two bit säiwends uum Klok oachte.
Snäiwendeges un sundeges fon Klok twelig smiddeges bid säiwends uum oachte tou. Bie fluch Weder wäide do Epenigaids-Tieden ferlangerd.
Informatsjoon uur ju Ferhíerenge fon dän Tältploats of ju Grilhutte kriege Jie wilst ju Saison in dän Kiosk „Zum Hollener See", Peter Herrmann, Tel.: 04498 2617, Mobil: 0160 90900104.