Kaierjen mäd Flitsepee, Foan-Bilieuwnis-Sträkke
Düütske Feen-Sträkke
Ju Düütske Feen-Sträkke is een fon do bikoandste un fluchste Flitsepee-Kaier-Sträkken in Noud-Düütsklound. Ju bjudt t.B. Mäd do Feen-Kenoale, Foane, Klapp-Brägen, Wiend-Määlnen, Säärken un Museen ap älke Sträkken-Ousnit een ouwikselengsrieke Fíerd. Ju Sträkke is as Rundfíersträkke in bee do Gjuchten truch Aastfräislound, Oamzelound un dän Loundkring Kloppenbúrig ounlaid. Truch dän Meente-Deel Strukelje ferlope two Sträkken-Ousniede.
Moor uur ju Düütske Feen-Sträkke konnen Jie hier wies wäide.
Foan-Bilieuwnis-Sträkke
Ju Foan-Bilieuwnis-Sträkke is een Flitsepee-Sträkke fon do Meenten Bäärsel, Esterwegen, Aastrauderfeen, Rauderfeen un Seelterlound mäd hogen Bilieuwnis-Wäid.
Bilíeuwet ju näie 100 km loange Flitsepee-Sträkke mäd do eendloze Fíerten fon dät Hoogfoan-Rebät „Esterweger Döize“. Njotet do ouwikselengsrieke Loundskuppe mäd gräine Hoogfoan-Mäide, Natúur-Reservoate, idylliske Woaterpoule, Foan-Bilieuwnis-Paade, historiske Wiend-Määlnen, Museen un ju eenfache Köäkene.
Moor konnen Jie wíes wäide unner: http://www.moorerlebnisroute.de.
Wier me uurs ap Paad fíere kon
Wäl ätter uur Múgelkhaide säkt, dän konnen wie do Sträkken in ju Noaberskup biproalje. Ieuwenske ju Ammerlound-Sträkke un ju Dullerd-Sträkke, do ju Parkloundskup fon dät Ammerlound un dät düütsk-niederloundske Dullerd-Rebät naier brange, epend ju Kloppenbúrger Flitsepee-Sträkke dän Fíerder aan Deel fon dät Ooldenbúrger Munsterlound. Ju Kloppenbúrger Flitsepee-Sträkke is n aaltouhope 200 km loangen Rundkurs truch dän Loundkring Kloppenbúrig. In ju Meente Seelterlound ferlopt ju truch aal fjauer Meente-Deele un is ju hele Sträkke loangs mäd Waiwiezere uutrusted.