Termine / Aktsjonen:
Die Senioren-Bieräid fon ju Meente Seelterlound bjudt een groot, bunt un interessant Programm.
Spreek-Tieden wäide ap älken eersten Middewiek in't Mound ounbeden, in dän Buppere Stok fon't Räidhúus (Komer D 06) foarmiddeeges fon Klok tjoon bit Klok twelig. Deer is ju Múgelkhaid, n Aptoag tou bruken. In düsse Tied kon die Senioren-
Bieräid uk telefonisk unner ju Nummer 04498/940180 roaked wäide.
Noodfaalmappen wäide foar aal do Senioren uut Seelterlound foar twäin Euro ounbeden. Düt is múgelk, uumdät ju Firmengruppe Kurre uut Romelse as Sponsor wunnen wäide kude. konnte. Nit in Seelterlound woonjende Burgere konnen ju glieke Mappe uk koopje, man foar fieuw Euro.
Buppedät bjudt die Senioren-Bieräid Noodfaal-Passe in een Hulle mäd Apklíeuwer foar ju Autorute foar aan Euro oun. Die Pries is foar aal do Burgere in älk Lieuwendsoaler die sälge. Noodfaalmappen un uk Noodfaal-Passe konnen wilst do Spreek-Tieden of uk bie do oankelde Líede kooped wäide.
Ju Ítelweren-Uutjääfte fon ju CarLa Ait in Skäddel foar Ljude, do dät nodig häbe, is ap älken Middewíek Ättermiddai fon Klok fieuw bit Klok säks in ju Litje Skoule Skäddel. Truch ju Inisjative fon dän Senioren-Bieräid is düt sänt dän 30. April 2014 múgelk neemens houget moor dän Wai ätter Bäärsel of Ait tou moakjen.
Tou ju Fernättenge fon bistoundende Senioren-Koppele wäide twäie in't Jíer aal do foarsittende Ljude, do mäd Senioren tou dwoon häbe, ienleden. In kemoudige Atmosphäre wädt touhope ju Ploanenge
moaked, uum dät Ferounstaltengs-Häft ap n Wai tou bringen, uumdät Uursniedengen, wan múgelk, uumgeen wäide skällen.
In dät Ferounstaltengs-Häft „Senioren /Saterland“ rakt dät naiere Informatsjonen, uk, wäl me ap wät ounbaale kon un do Ferounstaltengen.
