Seniorenbeirat Saterland Saterfriesisch

Senioren-Bieräid Seelterlound


Die Senioren-Bieräid moate Ferbíendenge weze twiske Räid, Ferwaltenge un Koppele, do deer fon un mäd Senioren al in ju Senioren-Oarbeid tougong sunt. Hie wol seküür nit düsse nu al fúulfooldige un goude Oarbaid uurníeme of n Wädstried mäd hier moakje.
„Goudes woarje – Fräigen un Wonske apníeme“, is dät Motto. Ferkloorden Sin is dät uk, ju Senioren-
Oarbaid in uur Koppele un Ferene Stöän tou reken. Deerbie wol die Senioren-Bieräid „sien Oor“ oun sälskuppelke Umesleke, uk truch dän Demogroaphiske Wonnel, häbe.

Seniorenbeirat 2018 © Gemeinde Saterland

von links: B. Olling, A. Thedering, R. Strohschnieder, H. Knelangen, M. Schweigatz, B. Thiemann, W. Deeken

Ap dän 11. September 2016 wude die Senioren-Bieräid fon ju Meente Seelterlound foar't eerste Moal kädden. Ju Amtstied is oun dän Meenteräids-Riem búnen. Die eerste Keer-Riem is somäd ap n 31.10.2021 foarbie. Ap dän 07. November waas ju konstituíerjende Sittenge. Deegespunkt waas ju Kere fon dän Foarstound. As Foarsitterske wude Rosa Strohschnieder uut Strukelje kädden. Fertreder is Wilhelm Deeken uut Romelse. Skrieuwerske is Margret
Schweigatz uut Skäddel. As biräidend Lid in dän Uutskoat foar Jugend, Femielje un Foarsúurge is Bernhard Olling uut Strukelje kädden wuden. Sin Fertreder is Berthold Thiemann uut Romelse. Dän Senioren-Bieräid here buppedät noch Hermann Knelangen uut Sedelsbíerig un August Thedering uut Romelse tou.

Hilfreiche Links:

Senioren in Niedersachsen

http://www.senioren-in-niedersachsen.de

Senioren- & Pflegestützpunkt Niedersachsen (SPN)

http://www.lkclp.de/gesundheit-soziales/senioren--pflegestuetzpunkt-niedersachsen-spn.php

 
 

zurück